اے آر وائی ڈیجیٹل نے اپنے ناظرین کو ہمیشہ خوبصورت اور معیاری پرگراموں کے ذریعے اپنی جانب متوجہ کیا اور اسی تسلسل کو جاری رکھتے ہوئے ناظرین کے لئے اب نئی سیریل ” دیا جلے “ پیش کی جا رہی ہے ۔ یہ سیریل ہر اتوار کی شب آٹھ بجے دکھائی جائے گی۔

اس حوالے سے ش م خ نے بتایا کہ سیریل دیا جلے کو اے اینڈ بی پروڈکشن کے توسط سے آصف رضامیر اور بابر جاوید پیش کریں گے۔سیریل کو تحریر کیا ہے فائزہ افتخار نے جبکہ ہدایت بابر جاوید کی ہیں۔سیریل دیا جلے میں سویرا ندیم ،آصف رضامیر عدنان صدیقی اور ماریہ واسطی نے مرکزی کردار ادا کئے ہیں۔

سیریل “ دیا جلے “کی کہانی ایک اٹھائیس سالہ تعلیم یافتہ دردمند شاعرہ اوربااصول ٹیچرنادیہ کے گرد گھومتی ہے ، نادیہ ایک نیک بیٹی اچھی بہن اور نند بھی ہے۔سمیر اس کے لائق نہیں مگر والدین کی خواہش کی وجہ سے نادیہ سمیر سے منگنی کر لیتی ہے۔اس کی ہونے والی ساس بھی اچھی خوبیوںکی مالک نہیں ہے۔

سمیر نادیہ سے جب بہت بد تمیزی کرتا ہے تو نادیہ سمیر پر ہاتھ اٹھادیتی ہے اور یوں منگنی ختم ہوجاتی ہے۔نادیہ سمیر سے معافی مانگنے کو تیار نہیں اوریوں نادیہ کے کئی رشتے اس منگنی کے ختم ہونے سے واپس ہوگئے ،ایسے میں فیضان جو پینتالیس سالہ شخص صاحب حیثیت اور دو بچوں کا باپ ہے کا رشتہ آنے پر ماں اور بھائی کی خواہش پر اس رشتے پر راضی ہوجاتی ہے۔فیضان کی یہ شرط ہے کہ اسے بچے کی خواہش نہیں۔

شادی کے بعد فیضان یہ برداشت نہیں کرتا کہ نادیہ کی محبت کے ناطے بچے اس سے دورہوں۔وہ بیٹے حمزہ کو ہاسٹل میں داخل کرا دیتا ہے۔اور بیٹی کی تربت کے لئے وہ نادیہ کو بہتر سجھتا ہے۔۔فیضان اپنی بیٹی ہانیہ کا رشتہ اپنے دوست کے بھائی اسفند سے کرنا چاہتا ہے۔اسفنس غلط فہمی کی وجہ سے نادیہ کو ہانیہ سمجھ کر ہاں کردیتا ہے۔ نادیہ ایک شادی شدہ خاتون ہے چند ملاقاتوںمیں اسے احساس ہوتا ہے کہ اسفند اوراس کے ذہن کتنے ملتے ہیں۔دونوں میں دوستی ہوجاتی ہے۔

کیا نادیہ ان حالات کی وجہ سے شاعری چھوڑ دیتی ہے۔ہانیہ زوہیب ایک دوسرے کو پسند کرتے ہیں ،زوہیب کے انکار پر کیا یہ دونوں گھر سے فرار ہوجاتے ہیں ؟ نادیہ طلاق کا فیصلہ کرتی ہے ،کیا سیماب قریشی ایڈووکیٹ نادیہ کو طلاق دلوانے میں کامیاب ہوجاتی ہے۔